Факультет жетістігі

Республика күніне орай өткізілген мерекелік іс-шарада ҚазҰУ-дың Басқарма төрағасы – Ректор Ж.Қ. Түймебаев факультетіміздің деканы С.Қ. Суатай мырзаны «Ерен еңбегі» үшін медалімен, декан ғылыми-инновациялық жұмыс және халықаралық байланыстар жөніндегі орынбасасы Қ.Қ. Келдебеков пен Жоғары оқу орнына дейінгі дайындық кафедрасының меңгерушісі  С.А.Сартаевты «Құрмет гармотасымен» марапаттады.

Салтанатты жиын концерттік бағдарламамен жалғасты. Оқу ордасының студенттері  «Халық әндерінен попурри», «Саржайлау», «Гәкку», «Отан» әндерін орындап, көрермендерге көтеріңкі көңіл күй мен ерекше әсер сыйлады. Концерттік бағдарлама соңында барлық қатысушылар көрермендермен бірге «Мен сені сүйемін, Қазақстан!» әнін шырқады.