ҚазҰУ-да медиасауат мәселелері талқыланды

Әл-Фараби атындағы Қазақ ұлттық университетінде БҰҰ Жаһандық коммуникациялар департаменті өкілдігі – Алматыдағы БҰҰ Қоғамдық ақпарат департаментімен бірлескен «Цифрлы кеңістіктегі медиа және ақпараттық сауат» атты IV орталықазиялық ғылыми семинар өтті.

Шараның ашылуында сөз сөйлеген университеттің Академиялық  мәселелер жөніндегі проекторы Ляззат Еркінбаева: «Ақпараттың дәлдігі, шынайылығы және құқықтық қорғалуы мемлекеттік саясаттың басым бағыты. Цифрлы білім беруде академиялық ықпалды арттырудағы ғылыми зерттеулердің үлесі артып келеді», - деп атап өтті.

ҚР Ақпарат және мәдениет министрлігі БАҚ саласындағы мемлекеттік саясат басқармасының өкілі Анель Көшкенбаева алғысөзінде әр адамның ақпарат алуда желілердің, арналардың белсенді тұтынушысы болып отырған кезде, медиа сауатты болуы ең басты мәселе екеніне тоқталды. Кәсіби журналистиканың осы тұрғыда рөлі ерен. Министрлік Әл-Фараби атындағы ҚазҰУ-мен салалық журналистика  дамытуға бағытталған бағдарламаларды бірлесе орындауда.

БҰҰ Жаһандық коммуникациялар департаментінің ҚР өкілі – Алматыдағы БҰҰ Ақпараттық бюросының басшысы Властимил Самек БҰҰ-ның ұжымдық күн тәртібінде цифрлы кеңістіктегі медиа және ақпараттық сауат мәселесі екенін ерекше атады. Ақпарат легінің толассыз ағыны оның шынайылығын тексеруді қажет ететіні рас. Жасанды интеллектінің цифрлы ақпаратқа ықпалы артып отыр. Ақпарат призмасын тану кәсіби мамандарға жаңа міндеттер жүктеуде, ақпаратты тарату алгоритмі өзгеруде. Сондықтан медиа және ақпараттық сауаттың қоғам игілігі үшін артуда. 

Семинар жұмысына Ресей, Қазақстан, Тәжікстан, Өзбекстан, Қырғызстан, Армениядағы аудиовизуалды ынтымақтастық жөніндегі атташе   Эммануэль Фосильон ҚазҰУ журналистика факультетімен бірлескен цифрлы медиа саласында «Фактчекинг», «Мобильді түсірілім» бағдарламалары Орталық Азия елдерінің журналистика факультеттері қатысумен нәтижелі аяқталғанын, алдағы уақытты VR  журналистика саласында  білім беру жобалары ұсынылады деп сөзін қорытындылады.

Семинар барысында ҚазҰУ ғалымдарының «Қазақстандағы жалған ақпарат пен дезинформация индикаторларын анықтауға арналған цифрлы сауат саласында ақпараттық ресурс әзірлеу» ҚР Ғылым және жоғары білім министрігінің қолданбалы зерттеулерге гранттық жобасы  таныстырылды.

Осы жобаның ғылыми кеңесшісі  LMU Munich университетінің БАҚ және коммуникация кафедрасының меңгерушісі, професор Томас Ханицш жұмыс істейтін ғалымдар тобы әлеуметтік медиа және бұқаралық коммуникация саласындағы жалған ақпарат пен дезинформация индикаторларын зерттеу және анықтау бойынша зерттеулер жүргізетінін атап өтті.

Зерттеу нәтижелері халықтың медиа және ақпараттық сауаттылықты талдау мүмкіндіктерін кеңейтуге және жастардың ақпараттық мәдениетін жақсартуға ықпал етеді.

Ғылыми семинарға Германия, Қырғызстан, Словакия, Тәжікстан, Өзбекстан елдерінің ғалымдары, сондай-ақ журналистика факультетінің магистранттары мен PhD докторанттары қатысты.

Гүлмира Сұлтанбаева, профессор