ҚазҰУ спортшылары дзюдо чемпионатында топ жарды

Астанада өтіп жатқан дзюдодан Қазақстан чемпионатында Әл-Фараби атындағы ҚазҰУ-дың медицина және денсаулық сақтау факультеті «Дене шынықтыру және спорт» мамандығының 3-курс студенті Диана Буркеева 48 келіге дейінгі салмақта чемпион атанып, алтын медаль жеңіп алды.

ҚазҰУ-дың медицина және денсаулық сақтау факультеті «Дене шынықтыру және спорт» мамандығының 1-курс студенті Нұрсұлтан Зайзағалиев 66 келі салмақта сынға түсіп, күміс медаль иеленді.

Заң факультетінің 2 курс студенті Аңсарбек Ғайнуллин 81 келі салмақта  қола жүлдегер атанды.

Республикалық дзюдо додасына еліміздің 17 облысы мен Астана, Алматы және Шымкент қалаларынан барлығы 500-ге жуық жас спортшы қатысуда.

Жарыс 15 қарашада аяқталады.

Әл-Фараби атындағы ҚазҰУ-дың Баспасөз қызметі