«Кітап – ақылына ақы сұрамайтын үлкен қазына»

   20.11.2023ж. Қазақ әдебиеті және әдебиет теориясы  кафедрасының аға оқытушысы Г.Т.Оспанова Филология факультеті деңгейінде «Qasym» баспасымен бірлесе отырып, «Тұрақты даму мақсаттарын» (ТДМ) іске асыру бойынша «Кітап – ақылына ақы сұрамайтын үлкен қазына» атты кітап жәрмеңкесін өткізді. Жәрмеңке оқытушылар мен студенттер тарапынан үлкен қолдау тапты. Жәрмеңкеде классикалық шығармалар, аудармалар және т.б. өз оқырмандарымен қауышты. Кітапқа деген құштарлық қай уақытта да өз биігінде.Кітаптар 10 пайыздық жеңілдікпен таралды. Студенттердің кітаптарға қызығушылық танытып, сатып алулары көңіл қуантады.