ҚазҰУ мен Йокогама Тоин университеті меморандумға қол қойды
![](/storage/news/1729250530655ee845c73c0970555041_WhatsApp Image 2023-11-23 at 114100.jpeg)
2023 жылдың 21 қарашасында Медицина және денсаулық факультетінің «Дене шынықтыру және спорт» кафедрасы Шығыстану факультеті Қиыр Шығыс кафедрасымен бірлесіп әл-Фараби атындағы ҚазҰУ-ға сапар ұйымдастырды. Йокогама Тоин университетінің (Жапония) Томонобу Сакурай «әл-Фараби атындағы Қазақ ұлттық университеті» ҰАО және Тоин Йокогама университеті (Жапония) арасындағы өзара түсіністік туралы меморандумға қол қою рәсіміне қатысты.
Жапондық профессорды әл-Фараби атындағы Қазақ ұлттық университетінің проректоры, басқарма мүшесі – ғылыми-инновациялық қызмет жөніндегі проректоры Жәмилә Айтжанова қарсы алды.
Келіссөздер барысында тараптар ғылым саласындағы ынтымақтастықты нығайтудың бірқатар мәселелерін талқылады: инженерия, медицина, заңгерлік, халықаралық зерттеулер, дене шынықтыру, денсаулық сақтау және спорт ғылымы және т.б. Профессор Томонобу Сакурай дене шынықтыру және спорт саласында маманданған. Кездесуде тек ҚазҰУ-де ғана емес, Жапонияда да ерекше назар аударылатын тұрақты даму мәселелері талқыланды.
Профессор жылы қарсы алғаны үшін ризашылығын білдіріп, ғылым мен білім саласындағы халықаралық ынтымақтастықты одан әрі жетілдіру үшін ҚазҰУ-дың үлкен әлеуеті мен мүмкіндіктері бар екенін атап өтті. Соңында тараптар өзара түсіністік туралы меморандумға қол қойды.
Басқа жаңалықтар
![](/storage/news/232538647566a396a30e9ce696853229_5.jpg)
![](/storage/news/371165304866a38f810bbed732252516_001.jpg)