Еліміздегі бейнелеу өнері саласындағы жетекші ғылыми-зерттеу және мәдени-ағарту ісіндегі ірі көркемсурет музейіне шолу

04.12.2023 ж. з.ғ.м., мемлекет және құқық теориясы мен тарихы, конституциялық және әкімшілік құқық кафедрасының оқытушысы Жұмадилова Н.С. заң факультетінің студенттеріне ТДМ-4 «Сапалы білім беру» тақырыбының аясында  еліміздегі бейнелеу өнері саласындағы жетекші ғылыми-зерттеу және мәдени-ағарту ісіндегі ірі көркемсурет музейі ретінде танылған Қазақстан Республикасы мемлекеттік Ә. Қастеев атындағы өнер мұражайымен таныстыру өткізді. 

Қазіргі таңдағы музейдің қоры өзінің көркемдік деңгейінің жоғарылығымен көптеген әлемдік жинақтардан еш қалыспайды. Музейдің аса бай қорындағы 22500-ден астам кескіндеме, графика, сәулет және Қазақстанның, Ресейдің, Еуропаның, Американың, Шығыс елдері халықтарының қолданбалы өнерінің баға жетпес жұмыстары музейдің негізі қорындағы туындылар болып табылады.

Іс-шараның мақсаты: халықтың мәдени байлығы мен ерекшелігін көрсететін экспонаттармен танысу арқылы мемлекеттік өнердің дамуына үлес қосу.