«Бір кезде сел боп аққан қызыл қаннан, Өмір үшін жаралған бір тамшылармыз!»

Тәуелсіздік күні қарсаңында әл-Фараби атындағы Қазақ ұлттық университеті колледжінде директордың оқу-әдістемелік ісі жөніндегі орынбасары Аппакова М.Н., директордың тәрбие ісі жөніндегі орынбасары Ахметова М.А. және аға куратор Кенебаева М.А.  ұйымдастыруымен ««Бір кезде сел боп аққан қызыл қаннан, Өмір үшін жаралған бір тамшылармыз!»» атты желтоқсан ардагерлерімен кездесу кеші өткізілді. Кездесу сол кезеңдегі елге деген патриоттық рухы биік болған жастарды бүгінгі өскелең ұрпаққа таныстыру, насихаттау мақсатында ұйымдастырылды. Жас ұрпақ тағылым алар шараға желтоқсан ардагерлері Исабаева Ұлжалғас Жумайқызы және Хамимульдинов Сержан Жексембекович шақырылып, оқушылардың сұрақтарына жауап беріп, сүбелі сұхбат берді. Шараны колледж директоры Еркебай Р.А. ашып, қонақтарды және білім алушыларды Тәуелсіздік мерекесімен құттықтады. Ол өз сөзінде тәуелсіздіктің құндылықтары туралы айта келіп, тәуелсіздік жолындағы күрестің жалғасы ретінде колледж білім алушыларын білімнің биік тұғырынан көрініп,  инновациялы, интеллектуалды ұрпақ қатарынан болуға шақырды.        

Колледж студенттері желтоқсан ардагерлерінің Туған елге, жерге деген патриоттық сезімдері мен ешкімнен қорықпай,  қандай ауыртпалық болса да шыдамдылық көрсетіп, ұлттық сезім, ұлттық мақтаныш, ұлттық сана, ұлттық парызды алға қойып шексіз ерлік көрсеткендері үшін  алғыс айтты.

 Колледж студенттері еліміздің тарихи кезеңдеріне шолу жасай отырып патриоттық әндер, өлеңдер, күмбірлеген күйлер орындап Желтоқсан қырандарының жүрек жарды ізгі-тілектеріне бөленді.