Студенттерге экологиялық тәрбие және білім беру

13.12.2023 жылы 217 дәрісханада колледж оқытушылары  Рамазанова И.Р., Оңғаров С.Б.  «Климаттың өзгеруімен күресу шаралары» ТДМ-13 іске асыру шеңберінде «Экологическое воспитание и образование студентов» тақырыбында Алматы қаласы бойынша экология департаментінің бас мамандарымен бірлесіп, ПОР-109 тобына табиғатты қорғау және табиғи ресурстарды тиімді пайдалану туралы білімдерін тереңдету және кеңейту мақсатында іс-шара өткізді.

Жасөспірімдерге экологиялық тәрбие мен білім беру-біздің заманымыздың өзекті мәселесі. Қазіргі адамның экологиялық дүниетанымы мен мәдениеті ғана планета мен адамзатты қазіргі кездегі апатты жағдайдан шығара алады. Жастардың экологиялық мәдениетін қалыптастыру-күрделі және ұзақ әлеуметтік-педагогикалық процесс. Білім беру мекемелері жағдайында ол білім мен дағдыларды игеруге ғана емес, сонымен қатар ойлауды дамытуға, белсенді өмірлік ұстанымды қалыптастыруға, қоршаған табиғи ортаның сапасын қорғау және жақсарту жөніндегі қызметті жетілдіруге бағытталған.

Өскелең ұрпақ қоршаған ортаның жай-күйіне қызығушылық танытады. Біздің оқытушылар ретіндегі міндетіміз, білім алушылардың тілектері мен мүмкіндіктері қосымша білім беру арқылы табиғат игілігі үшін дұрыс бағытқа бағытталуы керек.