ҚазҰУ студенттері «Jas Gala» жастар фестивалінің жеңімпаздары
Алматы қаласы Жастар саясаты басқармасының қолдауымен «Алматы студенттер Альянсы» КҚ ұйымдастыруымен Алматы қаласының шығармашыл жастары арасында «Jas Gala» жастар фестивалі 14-тен аса ЖОО студенттерінің басын біріктіріп, 14-23 желтоқсан аралығында вокал, хореография, мобилография, аспаптық орындау, театр бағыттары бойынша байқау ұйымдастырылды.
Байқаудың негізі мақсаты мен міндеттері:
- Шығармашыл дарынды және талантты жастардың кәсіби өсуіне қолдау көрсету және олардың қабілеттері мен мүдделерін дамытуды іске асыру, адамгершілік құндылықтарды, жоғары эстетикалық және интеллектуалдық талғамын қалыптастыру;
- Қала жастарының және студенттерінің шығармашылық ортасын құру;
- Жастардың шығармашылығының дамуына моральдық және материалдық жәрдемдесу, көпшілікке танылуына ықпал ету;
- Жастардың бос уақытын тиімді пайдалануды ұйымдастыру;
- Шығармашыл жастардың жұмыстарына ақпараттық қолдау көрсету;
- Алматы қаласының білім беру ұйымдарының білім алушылары арасында шығармашылық, оң бағытталған қызметті насихаттау. Он күнге созылған байқау жоғары деңгейде өтті. Байқауға қатысу үшін барлығы 23 ЖОО-нан 700-ден астам студент өтінім беріп, іріктеу, жартылай финалдық кезеңдерден ең мықтылары іріктеліп өтті. Жалпы байқаудың жүлде қоры – 8 000 000 теңгені құрады. Жеңімпаздар 50-ден 300 мың теңгеге дейін ақшалай сыйлықтармен және дипломдармен марапатталды. Сол топ жарып шыққан талантты студенттердің арасында әл-Фараби атындағы Қазақ ұлттық университетінің студенттер де бар. «Аспаптық орындау» номинациясы бойынша ІІ орын заң факультетінің 3 курс студенті Базаршынов Ерасыл, «Вокал» бағыты бойынша 48 қатысушылардың арасынан жүлделі II орын журналистика факультетінің 3 курс студенті Жеңісханова Сабина, «Үздік тенор дауыс иесі» номинациясын Экономика және бизнес жоғары мектебінің 3 курс студенті Жеңіс Ермашов, «Король Фальцета» номинациясын физика-техникалық факультетінің 1 курс магистранты Сәбитбек Жәнібек жеңіп алды.
Басқа жаңалықтар
