№ 13 ТҰРАҚТЫ ДАМУ САЛАСЫНДАҒЫ МАҚСАТТЫ ІСКЕ АСЫРУ: «КЛИМАТТЫҢ ӨЗГЕРУІМЕН КҮРЕСУ ЖӘНЕ ОНЫҢ САЛДАРЫ»

2024 жылдың 1-ақпанында әл-Фараби атындағы ҚазҰУ, шетел филологиясы және аударма ісі кафедрасында "Климаттың өзгеруімен күресу және оның салдары" атты тақырыбында тұрақты дамудың 17 мақсатының бірі бойынша дөңгелек үстелді ф.ғ.к., профессор Мұсалы Л.Ж. және 2 курс докторанттары Абдрасил Н.С., Ғабдкаримова Г.С. ұйымдастырды. Аталмыш іс-шарада Кайр университетінен арнайы шақырылған белгілі қонақ Ph.D Waleed Ibrahim Shaer сөз сөйледі. Талантты және кәсіби ғалым Waleed Shaer өзінің ерекше харизмасымен және педагогикалық қабілетімен студенттерді өзіне бірден баурап алды. Спикер Waleed Shaer 1-курс студенттеріне климаттың өзгеруі және оның Қазақстандағы салдары туралы ғана емес, бүкіл әлемдегі экологиялық жағдай туралы айтты. Сондай-ақ, Қазақстанның климаттық ерекшеліктерін Египетпен салыстырып, Қазақстан климаты бойынша Азиядағы ең жақсы елдердің бірі екенін атап өтті. Ол арнайы дайындалған презентацияны көрсетіп, климаттың өзгеруінің негізгі себептерін және оның салдарын түсіндірді. 1 курс студенттері қонағымызға түрлі сұрақтар қойып, тұрақты даму мақсатына қатысты жарқын әсерлерімен бөлісті. Филология ғылымдарының кандидаты, профессор Лайла Жұматайқызы Waleed Ibrahim Shaer-ге алғысын білдіріп, климаттың өзгеруі - бұл дүниежүзілік мәселе, біздің ортақ ісіміз және бүкіл адамзаттың болашағы үшін бірге күресуіміз керек деген ниет білдірді.

Ұйымдастырушылар:

ф.ғ.к., профессор Мұсалы Л.Ж

2 курс докторанттары

Абдрасил Н.С

Габдкаримова Г.С