ҚазҰУ-да оқу – бір бақыт

Алтын ұя мектебімізбен қоштасқаннан кейін түлектер алдында ең маңызды міндет – маман­дық таңдау тұрады. Әрбір адам өз мамандығын саналы түрде таңдап, болашақта кім болғысы келетінін өзі шешкені дұрыс. Сол сияқты мен де мектепті тамамдағаннан кейін еліміздің бар­лық жоғары оқу орындарын қарап, қызметімен таны­сып шықтым. Ата-анаммен ақылдастым. Сөйтіп, екі университетті таңдадым. Бірінші таң­дауым – Әл-Фараби атындағы Қазақ ұлттық уни­верси­те­тіне түсті. Бүгінде биік белесті ба­ғын­дырып отыр­ған жақындарымның ішінде де осы оқу ор­нын аяқтағандары маған ұстаз­да­ры­ның ерек­ше­лігі, жалпы білім алудың, тұлға болып қалып­та­судың ерекшеліктері жайлы қызықты деректер айтты. Сөйтіп, осы білім ордасының студенті атануды өзіме мақсат еттім.

Сондықтан да мен еш ойланбастан еліміздің үз­дік университеті – Әл-Фа­ра­би атындағы Қазақ ұлт­тық университетіне түсу үшін құжат тапсырдым. Құ­жат тапсыруға келген күн­нен-ақ бұл жерге ғашық бол­дым. Жоғары мәде­ниет­ті орта, толеранттық, көр­кемдік, жоғары талғам – осының бәрі менің бола­шақ­тағы арманымның бас­тауы осы жерден бастала­ты­нын айғақтап тұрғандай. Менің таңдауым «Жерге орналастыру» мамандығы бойынша география және табиғатты пайдалану фа­куль­тетіне түсті. Меніңше, бүгінгі күнде «Жерге орна­лас­тыру» мамандығы да­мыған және сұранысы көп мамандықтардың бірі. Осы салада білім алып, еліме адал қызмет етсем деймін.

Оқуға түскенде өзімнің де, ата-анамның да қуаны­шында шек болмады. Ұс­таз­дарымның еңбегі мен төккен те­рімнің ақталға­ны­на риза болдым. Ару қала Алма­ты­ның, ҚазҰУ-дың сту­денті ата­ну қандай ба­қыт!

Университеттің жоғары білікті мамандарды даяр­лау­ға, іргелі және қолдан­ба­лы зерттеулерді дамы­ту­ға, оларды өндіріске енгі­зуге бағытталған бі­лім­ді игеруге деген тал­пы­ны­сы­на ерекше қуандым. Ғы­лыми-инновациялық және өн­дірістік әлеуетке ие еке­нін көріп, жүрегімде қуа­ныш пен қорқыныш се­зі­мі туды. Бұл – үлкен жа­уапкершілік, яғни алдағы төрт жыл мен бар күш-жігерімді оқуға арнасам ға­на биік белесті бағын­ды­рамын деп түйдім.

Қазір білікті ұстаздар, қай­раткер ғалымдар бізге сабақ беруде. Олардың әң­гі­месін, өмірлік тәжірибесін тыңдау бір ғанибет. Мы­салы, Раушан Балғабекова апайымыз ағылшын тілін бізге жалықпай үйретіп жатыр. Шет тілін білу – өте маңызды. Біз де ол кісінің сабағына қуанып барамыз, қуанып қайтамыз. Қара шаңырақ оқу ордасында мұндай ұстаздар өте көп.

Университеттің қоғам­дық өміріне де араласып жа­тырмыз. ҚазҰУ-да көп­теген студенттік ұйымдар жұ­­мыс істейді. Әрбір ұйым­­да өзіндік ерекше шы­­ғармашылық атмос­фе­ра бар. Оларға қатыса жү­ріп, өзім көптеген жаңа та­ныстар таптым. Көл-көсір эмоция, қуаныш мені жақ­сылыққа бейімдейді.

Бірінші курстан жақсы оқып, жан-жақты дамысақ, біз, ҚазҰУ түлектері, бола­шақ­та мемлекетіміздің бар­­лық салаларында жо­ға­ры қызмет атқарып, таны­мал компанияларда елі­міздің өркендеуі үшін еңбек ететін боламыз.

Айша МҰРАТҚЫЗЫ, 1-курс студенті