Ақпараттық технологиялар факультетімен жиналыс

әл-Фараби атындағы ҚазҰУ- дың студенттік қалашық әкімшілігінің ұйымдастыруымен Ақпараттық технология факультетінің бірінші курс студенттерімен жиналыс өтті. Жиынның мақсаты - студенттердің оқу жылында болуы мүмкін келеңсіздіктердің алдын алу және қауіпсіздігін қамтамасыз ету. Атаулы жиында жедел әрекет ету тобы, құқық қорғау орындары, әйел құқығы, психология қызметінің мамандары студенттерді “Ар-намыс кодексімен” таныстырып, қиын жағдайға тап болған кезде не істеу керектігі туралы амалдармен бөлісті.
 Мұндай іс-шаралардың мазмұны әлемдік (БҰҰ) деңгейдегі “Тұрақты даму мақсаты” шарттарымен үйлеседі. Университет тарапынан жасалып жатқан мұндай шарттар студенттерге білім жолында таптырмас мүмкіндік деп білеміз.