Жеткен жетістіктерімізде ұстаздардың үлесі зор

Қадірменді Әл-Фараби атындағы Қазақ ұлттық университетінің ұжымы, ҚазҰУ түлектері!

Барлығыңызды іргелі оқу ордасының 90 жылдығымен шын жүректен құттық­таймын!

ҚазҰУ десе, журфак десе, №5 жатақ­хана десе, жүрегі елжіремейтін жур­на­лист жоқ шығар, сірә. Университет қалашығында өткен күндер жайраң­да­ған жастықтың ғана емес, аудито­рия­дағы ұлағатты дәрістердің де куәсі. Студенттік өмір бойымызға білім нәрін құйған ұстаздармен де бағалы. Жур­на­лис­тиканың әліпбиін үйреткен Тауман Амандосов, сатира жанрының қыр-сыры­на қанықтырған Темкең – Темірбек Қожакеев, «бір туған» филфактан келіп дәріс оқыған Алма Қыраубаева, Жан­ғара Дәдебаев, журфактың марғас­қа­лары Әбілфайыз Ыдырысов, Абдул­ха­мит Мархабаев, Фай­золла Оразаев, Намазәлі Омашев, Марат Ысқақов, Әшір­­бек Амангелдиев, Серікқали Бай­мен­ше, Бауыржан Жақып, Амантай Шә­ріп сынды ұстаздардың еселі еңбегін ме­рейтой қарсаңында айтуға тиіспіз. Журна­лис­тика саласында белгілі бір жетістікке жетсек, онда ұстаздары­мыз­дың үлесі бар.

ҚазҰУ-дың қашанда абыройы асқақ, мәртебесі биік болсын!

Ғабит МҮСІРЕП,

«Egemen Qazaqstan» газетінің бас редакторы, Президенттің БАҚ саласындағы сыйлығының лауреаты