ТДМ 4: «Сапалы білім – жарқын болашақ кепілі»

Жоғары оқу орнына дейінгі дайындық кафедрасының тыңдаушыларымен бірге тұрақты даму мақсаттарын (ТДМ 4)  насихаттау мақсатында «Сапалы білім – жарқын болашақ кепілі» атты  тәрбиелік іс шара  өтті. Шараның мақсаты –тыңдаушыларды алдағы уақытта болатын жас ғалымдар мен студенттердің «ФАРАБИ ӘЛЕМІ» атты халықаралық конференциясымен таныстыру. Конференцияның негізгі мақсаты мен міндеттері айтылды.

1) студенттерді оқу-танымдық қызмет пен ғылыми зерттеу жұмыстарына ынталандыру;

2) студенттер мен жас ғалымдарды замануи ғылыми мәселелерді шешуге тарту;

3) дарынды, талантты студенттерге қолдау көрсету және шығармашылық қабілеттерін ашу;

4) жас ғалымдардың зияткерлік әлеуетін қалыптастыруға қолдау көрсету.

Біздің тыңдаушыларымыз 5 пән бойынша өздерінің мақалаларын конференцияға ұсыныла алатыны туралы хабардар етілді. Ғылым әлеміне қадамын жаңа бастаған жас дарындардың ғылыми жұмыстарынәр секция бойынша факультеттердің ғалым ұстаздары: оқытушы-профессорлар құрамынан жасақталған арнайы комиссия мүшелері бағалайтыны және секцияда ғылыми жобаларын үздік қорғаған тыңдаушыларға  жүлделі орындар мен марапатталатыны айтылды. Конференция жұмысы нәтижесінде тыңдаушылардың зерттеу жұмыстарының баяндамасы немесе ғылыми мақаласы жинақта жарық көреді. Бұл конференцияға қатысу тыңдаушыларымызға берілген үлкен мүмкіндік. Ғылыми жетекші жас ғалымдарды қолдап, жұмысының нәтижелі болуына көмектеседі.