ӘЛ-ФАРАБИ АТЫНДАҒЫ ҚАЗҰУ-ДЫҢ ҚИЫР ШЫҒЫС КАФЕДРАСЫНДА ЦУКУБА УНИВЕРСИТЕТІНІҢ СТУДЕНТТЕРІ ҮШІН ҚЫСҚЫ МЕКТЕП ӨТУДЕ

Әл-Фараби атындағы ҚазҰУ және Цукуба университеті (Жапония) «Кампустағы Кампус» жобасына сәйкес 2019 жылдан бастап әл-Фараби атындағы Қазақ ұлттық университеті мен Цукуба университеті арасында білім және ғылым саласындағы екі жақты байланыстар жүзеге асырылуда. 16.02.2024-23.03.2024 аралығында Қиыр Шығыс кафедрасы қысқы мектеп бағдарламасының шеңберінде Цукуба университетінің студенттері үшін «Аймақтану. Орталық Азияның саясаты, экономикасы және мәдениеті»  атты курс ұйымдастыруда. Биыл Қазақстанға Цукуба университетінен 13 студент келді. Бес апта бойы жапон студенттері шығыстану факультетінде қысқы мектеп бағдарламасы аясында жергілікті оқытушылардан дәріс тыңдап, аталған курс бойынша білім алады. Жобаның мақсаты – Жапония мен Орталық Азияда жұмыс істеу үшін қажетті дағдылары бар экономика және ғылыми салалардағы мамандарды дайындау.

Қысқы мектеп бағдарламасы еліміздің тілі, саясаты, экономикасы және мәдениеті туралы дәрістер, спикинг клабтар, дөңгелек үстелдер және байқауларды қамтыды. Сонымен қатар, қысқы мектеп бағдарламасы аясында шетелдік студенттердің кафедра студенттерімен бірге Алматы қаласының Орталық мұражайына, «Көктөбе» мәдениет үйіне, «Медеу» мұз айдынына, Шымбұлақ шаңғы кешеніне және Шарын шатқалына саяхаттауы жоспарлануда.

Қиыр Шығыс кафедрасы

Жапонтану бөлімінің

меңгерушісі Тазабекова Г.Б.