14 наурыздан Наурыздың 10-күндік мерекесі басталды

Әл-Фараби атындағы ҚазҰУ-да Наурызнаманың онкүндігі жарияланған болатын, ол 14-23 наурыз аралығында өтеді, бұл аралықта әр күн қазақ халқының мәдениетін көрсететін ерекше тақырыптық іс-шаралармен атап өтілетін болады.

Бүгін биология және биотехнология факультеті Наурыз мейрамының басы Көрісу күнін атап өтуде. Бұл күнді Амал мерекесі деп те айтады.

Бұл күні жасы кішілер жасы үлкен әулет мүшелеріне амандық-саулық тілеп, үй-үйді аралайды, халық қыстан аман-есен шыққанына, туыс-туған, көрші-қолаңмен жүздескеніне қуанып, қол алысып көріседі, бір-біріне деген өкпе-реніштерін ұмытып, амандық тілейді.