Үлкен өмірге жолдама берді

Қазақ ұлтының басы айдауда, бармағы шайнауда жүрген кезеңдер аз емес. Сондай бір сұрапыл шақтар өткен ғасырдың басы, дәлірек айтсақ 30-жылдар. 

Босқан халықтың бір бө­лігі қиыр қонып, шет жай­лап шекара асса, туған Отан­да қалған бөлігі бұ­ра­тана атанып, әр саладағы көш­басшы тұлғалары ше­тінен атылып, асылып, ұр­пағы күні кешеге дейін шек­кі көрген, ұлттық тари­хы­мызда өшпес дақ қал­дыр­ған кесапат дәуір. Сол қы­лышынан қан тамған Кеңестер Одағының балға мен ораққа құрылған идео­ло­гиялық саясаты бұра­тана жұртты жұдырығында ұстау үшін ғылым, тарих, білім, мәдениет бағытында үлкен жобалар жүзеге асыр­ды. Ғылым мен білім­нің қара шаңырағына ба­лан­ған ҚазҰУ сондай бір елең-алаң шақта құрылған тарихи орда. Басына ала­ғай да бұлағай кезеңдер көш­кен ұлы шаңырақтың күнгей-теріскейі, дәуірле­ген шақтары тарих таспа­сын­да жазулы.

Біз осы тарихы мен та­мы­ры терең оқу ордасының қа­бырғасында тәуел­сіз­діктің алғашқы жыл­дарын­да білім алдық. Әйгілі ұс­таз­дардың алдын көрдік. Ке­сіп айтқанда, үлкен өмір­ге жолдама берді. Басы­мыз­ға баспана, бауыры­мыз­ға қазан болды.

Университетіміздің не­гіз­гі органы саналған «Qazaq universiteti» газеті жур­налист болсам деген үлкен арманмен келген біз­дің ай сайын күтетін негізгі басылымдар қатарын то­лықтырды. Алақандай ға­на фор­матпен шықса да, біз үшін Алатаудай басы­лым бол­ды. Ол кезде ба­сы­лым­ның фирмасы ки­рилл қар­пімен жазылатын. Уни­вер­ситетіміздің ты­ныс-тіршілігі, әр факультетте өтіп жататын сан түрлі ша­ралар студенттер газе­тін­де жарық көретін. Таласа-тар­маса оқитынбыз. Әсі­­ресе журналистика факуль­теті­нің студенттері үшін өте ыс­тық газет.

Өзіміз де осы газеттің жа­рық көруіне қолғабыс жасаған кездеріміз болды. Мен «Алматы ақшамы» га­зетінде толық штатта қыз­мет жасай жүріп, өзіміздің төл газетімізге де мақа­ла­лар жаздым, өлеңдерім де жарық көрді. Оймақтай ға­на фамилиямызға көзі түс­кен Қожакеев секілді ұлы ұстаздардың бата-тілегі әлі санамызда сайрап тұр.

Сол тұста ардақты ұс­таз­дарымыз Сағатбек Ме­деу­бекұлы, Кәкен Қамзин, Қайрат Сақ кезең-кезеңі­мен осы басылымға бас­шы­лық жасады.

Жүздеген тұлғаларға, мың­даған шәкірттерге қа­нат болған шаңырағы­мыз­дың торқалы 90 жылдық то­йы құтты да қайырлы бол­сын!

Жанарбек ӘШІМЖАН,

ҚР Президенті сыйлығының лауреаты, Қазақстанның еңбек сіңірген қайраткері,

ҚР Парламенті Мәжілісінің депутаты