ОРТАЛЫҚ АЗИЯНЫҢ МАТЕРИАЛДЫҚ ЕМЕС МӘДЕНИ МҰРАСЫН ДАМЫТУ САЛАСЫНДАҒЫ ТҰРАҚТЫ ДАМУ МАҚСАТТАРЫНА ҚОЛ ЖЕТКІЗУ ҮШІН СЕРІКТЕСТІК

Тұрақты даму бойынша ЮНЕСКО кафедрасы ҚР ЮНЕСКО және ИСЕСКО істері жөніндегі ұлттық комиссиясы жанындағы Материалдық емес мәдени мұра жөніндегі Ұлттық комитетпен және ҚР ҒЖБМ философия, саясаттану және дінтану институтымен серіктестікте "Мәдениеттерді жақындастыру орталығы" өткізетін "Орталық Азияның материалдық емес мәдени мұрасы феноменін философиялық тұрғыдан ұғыну" IV халықаралық конференциясына қатысты. Бұл конференцияның мақсаты-қоғамның дамуына және Орталық Азия мен оған іргелес аймақтардың мәдениеттерін жақындастыруға әсер еткен материалдық емес мәдени мұра құбылысын, идеяларды, білім жүйелерін, сондай-ақ гуманистік ілімдерді жан-жақты түсіну бойынша аналитикалық және зерттеу бастамаларын ұсыну. Конференция жақын және алыс шетел ғалымдарының, қоғам қайраткерлерінің, мәдениет қайраткерлерінің, дипломаттардың, материалдық емес мәдени мұра бойынша ЮНЕСКО-ның 2-санаттағы өңірлік орталықтарының өкілдерінің және т. б. қатысуымен өтті. Келесі мәселелер талқыланды: білімнің мәдени мұрасы: әлеуметтік ілімдерден әлеуметтік өзгерістерге дейін; Орталық Азияның мәдени мұрасы феномені: жергілікті және әмбебап; қазақтардың дала өркениетінің тірі қазынасы: жағдайы мен болашағы.