Қалашықтың көркеюінің куәсі болдық

Оқушы кезімнен биология пәнін қызыға оқып, болашақта биолог болуды армандадым. С.М.Киров атындағы ҚазМУ-ға түсуге бел байла­дым. Ол кезде университеттің бас корпусы Пан­филов көшесінде орналасқан, №127 ғимарат болатын. Осы корпусқа барып, биология факультетіне қажет құжаттарымды тапсырып, Байтұрсынов көшесіндегі жатақханаға орналастым.

Бірінші емтиханды биоло­гия­дан, Совет көшесі, №28 үйде орналасқан ескі ғи­ма­ратта билет бойынша ауыз­ша тапсырдық. Ол 1934 жы­лы ҚазМУ ашылған кездегі бас корпусы болған екен. Содан соң математикадан ем­тихан тапсырып, осы екі пән­мен аттестат баллы бо­йынша биология факуль­те­тіне оқуға түстім. Қуаны­шым­да шек болмады. Сол жылы осылай екі пәннен емтихан тапсырып, оқуға тү­суге эксперимент жасалған еді. Алда әлі екі пән бола тұра, біз оқуға түсіп кеттік.

Бізді ҚазМУ қалашығына, биология факультетін та­ныс­тыруға алып келді. Қала­шықта ауқымды құрылыс жүріп жатты. Сол жылы био­логия факультетінің құры­лы­сы енді бітіп, қолданысқа берілген екен. Жаңа корпус керемет әдемі. Ішін аралап, шаттанып, қуанып жүрміз. Ректорат корпусы салынып жатты. Осы қалашықтағы жасыл желектің біразын 1977 жылы біздің курстың студенттері отырғызған еді. Қазір ҚазҰУ қалашығына қа­расаң, көз тоймайды. Сәу­ле­ті ерекше үйлескен ансам­бль.

 Бүгінгі таңда университет еліміздің мақтанышы. Жыл сайын білім алғысы келетін талапкерлер саны артуда. Уни­верситетімізде әр фа­куль­теттің жеке даму жолы бар. Соның бірі – жоғары оқу ор­нына дейінгі білім беру факультеті. Өзім қазір осы Жоғары оқу орнына дейінгі да­йындық кафедрасында био­логия пәнінің аға оқы­ту­шысымын.

 Айнагүл Үсенбекова