Инклюзивті және тең сапалы білім беруді қамтамасыз ету және барлығы үшін өмір бойы білім алу мүмкіндіктерін жасауды

БҰҰ-ның Тұрақты даму мақсаттары бірі «Инклюзивті және тең сапалы білім беруді қамтамасыз ету және барлығы үшін өмір бойы білім алу мүмкіндіктерін жасауды» жүзеге асыру бойынша әл-Фараби атындағы ҚазҰУ-да құрылған  «BOOKCLUB Farabi» жобасы аясында Тарих факультетінің 2-курс студенттері арасында Қазақстан тарихы кафедрасы ОПҚ-ның ортағасырлар тарихы бойынша жаңа ғылыми-зерттеу еңбектерінің таныстырылымы өтті.

Іс-шара барысында кафедра меңгерушісі, ҰҒА академигі Б. Кәрібаев кітап оқу мен білім, заманауи зерттеу еңбектері мен оларды талдаудың маңызы туралы пікірлерімен бөлісті. Шара барысында  студенттермен БҰҰ тұрақты даму мақсаттары бойынша, атап айтқанда сапалы әрі жалпыға бірдей қолжетімді білім беру мен кіап оқу мәдениеті туралы пікір алмасу белсенді жүрді. Студенттер жаңа кітаптар мен олардың маңызы туралы онлайн режимде реалды уақытта (real time) виктриналық сұрақтарға жауап берді. Ең үздік 8 студент арнайы сыйлықтармен марапатталды.

Шараны ұйымдастырушы:

Қазақстан тарихы кафедрасының меңгерушісі Б.Б. Кәрібаев

қауым. профессор М. Ноғайбаева