2024 жылғы 20 наурызда «Сапалы білім беру» ТДМ-4 шеңберінде (4.3 - Өмір бойы білім алу мүмкіндіктерін қамтамасыз ету жөніндегі шаралар; 4.3.2 - Қоғамдық іс-шаралар) студенттердің органикалық химияға қызығушылығын арттыру мақсатында Органикалық заттар, табиғи қосылыстар және полимерлер химиясы және технологиясы кафедрасының 1 курс докторанттары: Қожантаева Жансая, Болатқызы Назерке, Куламетов Жалғас - 2-3 курс студенттері арасында «Органикалық химия әлемі» викторина форматында іс-шара ұйымдастырылды.
Студенттер командаларға бөлініп, органикалық химияның үздік сарапшысы болу үшін жарысты. Сұрақтар әртүрлі және қызықты болды, бұл әр қатысушыға өз білімі мен интеллектуалдық қабілеттерін көрсетуге мүмкіндік берді. Сұрақтар органикалық қосылыстардың синтезіне және реакция механизмдеріне қатысты болды. Іс-шара қатысушылар үшін тек білім беру ғана емес, сонымен қатар көңілді және қызықты болды. Командалар өз білімдері мен бәсекелестік рухын көрсетті.
Шара соңында жеңімпаздар анықталып, лайықты марапаттар мен сыйлықтарға ие болды. Дегенмен, барлық қатысушылар үшін басты марапат органикалық химияға деген құштарлық және оның біздің өміріміздегі маңыздылығын түсіну болды. Бұл іс-шара студенттердің органикалық химияға деген қызығушылығын арттырып қана қоймай, оқу үдерісін ілгерілетуде интерактивті және көңілді оқыту әдістерінің маңыздылығын көрсетті.
Басқа жаңалықтар
.jpg)