“Тұрақты даму үшін гендерлік зерттеулер жүргізу” семинары: әл-Фараби атындағы ҚазҰУ мен Алматы менеджмент университетінің ғылыми ынтымақтастығы

2024 жылдың 9 сәуірінде ҚазҰУ-дың халықаралық қатынастар факультеті Алматы Менеджмент Университетімен бірлесіп «Әлемдік экономика», «Аймақтану», «Халықаралық қатынастар» және «Менеджмент» БББ докторанттарына семинар ұйымдастырып, өткізді. Семинар тақырыбы: «Тұрақты даму үшін гендерлік зерттеулер жүргізу». Бұл ғылыми шараны ұйымдастырушылар э.ғ.к. Аида Еримпашева және Алматы Менеджмент Университетінің қауымдастырылған профессорі, Ph.D. Анастасия Липовка.

Семинар гендерлік зерттеулер мен тұрақты даму арасындағы байланыс тақырыбына тереңірек үңілгісі келетін қызығушылық танытқан қатысушыларды біріктірді. Іс-шара барысында қатысушылар тұрақты даму контекстінде гендерлік-сезімтал зерттеулер жүргізудің түрлі әдістемелері мен тәсілдерін талқылады. Гендерлік динамиканың экономикаға, аймақтық процестерге, халықаралық қатынастар мен басқаруға қалай әсер ететінін түсіну үшін пәнаралық тәсілдерге ерекше назар аударылып, тұрақты дамудың неғұрлым инклюзивті және тиімді стратегияларына жол ашылды.

Мұндай бірлескен күш-жігер академиялық дискурсты байытып қана қоймайды, сонымен қатар жаһандық қауымдастықтың алдында тұрған күрделі мәселелерді терең түсінуге ықпал етеді. ҚазҰУ халықаралық қатынастар факультеті мен Алматы Менеджмент Университетінің гендерлік теңдік пен тұрақты дамуды ілгерілету саласындағы білім мен міндеттемені одан әрі кеңейтуге бағытталған келесі бастамаларды күтеді.