Теориядан практикаға: ҚазҰУ студенттері DoubleTree by Hilton Almaty қонақ үй бизнесін зерттеуде

Қонақ үй бизнесі саласында жоғары білікті мамандарды даярлауға ұмтылу аясында әл-Фараби атындағы ҚазҰУ «Мейрамхана ісі және қонақ үй бизнесі» білім беру бағдарламасының үшінші курс студенттері Алматының ең үздік қонақ үйлерінің бірі – DoubleTree by Hilton-ға барды. 2024 жылдың 11 сәуірінде рекреациялық география және туризм кафедрасының оқытушысы Елдар Нұрұлының жетекшілігімен өткен бұл оқу экскурсиясы студенттеріміздің практикалық білімдерін тереңдету аясында ұйымдастырылды.

Экскурсия барысында студенттер қонақ үйдің жұмыс істеуі мен басқарылуы туралы көптеген сұрақтар қойып, белсенділік танытты. Бұл сұрақтар күнделікті операциялық міндеттерден бастап тұрақты даму стратегиялары мен корпоративтік әлеуметтік жауапкершілікке дейінгі тақырыптардың кең ауқымын қамтыды. Айжан Жетіру бастаған сату бөлімінің қызметкерлері бірқатар шеберлік сабақтарын өткізіп, өз білімдері мен тәжірибелерімен белсенді бөлісті, бұл студенттерге қонақ үй саласындағы жұмыстың нақты аспектілерін тереңірек түсінуге мүмкіндік берді.

Студенттер өз білімдерін тереңдетіп қана қоймай, болашақ тәжірибе мен жұмысқа орналасу мүмкіндіктеріне ие бола отырып, қонақ үй өкілдерімен кәсіби байланыс орнатты. Өзара байланыс іс-шарадан кейін де жалғасуда: көптеген студенттер мессенджерлер арқылы өздерін қызықтыратын мәселелер бойынша мәліметтерді нақтылауда.

Бұл іс-шара БҰҰ-ның Тұрақты даму мақсаттарын (ТДМ) оқу процесіне енгізу жөніндегі біздің міндеттемелеріміздің бір бөлігі болып табылады. Атап айтқанда, біз студенттерді табысты мансапқа ғана емес, сонымен қатар жауапты бизнес жүргізуге дайындай отырып, сапалы білім беру (ТДМ 4) және лайықты еңбек пен экономикалық өсу (ТДМ 8) секілді мақсаттарға назар аударамыз.

Әл-Фараби атындағы Қазақ ұлттық университеті студенттерге академиялық бағдарлама шеңберінде алған білімдерін нақты тәжірибеде қолдану және тереңдету үшін мүмкіндіктер беретінін мақтан тұтады және қонақ үй бизнесінің жетекші өкілдерімен әріптестік қатынастарды қолдауды және дамытуды жалғастыруда. Біздің миссиямыз – қоғамымыздың тұрақты дамуына ықпал ете алатын жаңа буын көшбасшыларын даярлау.