Л.Н.Гумилев атындағы Еуразия ұлттық университетінің магистранттары ғылыми тағылымдамадан өтті

«Әл-Фараби атындағы Қазақ ұлттық университеті Философия және саясаттану факультеті Философия кафедрасында сәуір айының 8-21 аралығында Л.Н.Гумилев атындағы Еуразия ұлттық университетінің "Философия" мамандығының 2 курс магистранттары ғылыми тағылымдамадан өтті. Тағылымдама барысында магистранттар бірнеше көшбасшылық дәрістерге қатысты.

Атап айтатын болсақ, Халықаралық Фараби Форумы аясында Философия және саясаттану факультеті, Философия кафедрасы тарапынан ұйымдастырылып отырған философия ғылымының докторы, Мәскеу мемлекеттік университетінің Қазақстандық филиалының профессоры, Қазақстан Республикасының білім беру ісінің құрметті қызметкері, Ұлыбританияның Халықаралық Ғылым және Жоғары Білім академиясының академигі, Ресей Жаратылыстану академиясының академигі, Қазақстан Республикасы Көркем академиясының академигі Сәбина Шәріпқызы Аязбекованың «Қазақ философиясының қайнар бастаулары» тақырыбында өтетін көшбасшылық дәрісіне;

2024 жылдың 06 – 10 сәуір аралығында философия ғылымының докторы, профессор, Ибн Сина атындағы Бұхара медицина университетінің кафедра меңгерушісі ШОДМОНОВ Құрбан Бадритдинұлы «Ортағасыр және Қайта Өрлеу дәуіріндегі Еуропаның IX-XII ғасырлардағы Орталық Азия философиялық мұрасының құндылықтарын қабылдауы» атты тақырыпта дәрістер курсына;

"XX ғасыр басындағы қазақ интеллигенциясының философиясы пәні аясында"  белгілі ғалым, Санжартанушы Алмас Жүнісбаймен кездесуге белсенді қатысты.

Тағылымдама барысында Фараби орталығымен, Фараби музейінде болды, университеттің кітапхана қорының  электронды каталогымен танысты. Тағылымдаманың қорытындысы ретінде  магистранттарға сертификат табысталды.»