«6B04103 — Экономика» білім беру бағдарламасы аясында «Экономикалық теория», «Микроэкономика», «Макроэкономика», «Кәсіпорын экономикасы» пәндері бойынша XVІ Республикалық студенттік пәндік олимпиада

2024 жылдың 24 сәуірінде Әл-Фараби атындағы Қазақ ұлттық университетінің Экономика және бизнес жоғары мектебінің «Экономика» кафедрасы «6B04103 — Экономика» білім беру бағдарламасы аясында «Экономикалық теория», «Микроэкономика», «Макроэкономика», «Кәсіпорын экономикасы» пәндері бойынша XVІ Республикалық студенттік пәндік олимпиаданың (әpi карай PCПO) II кезеңінің қатысушыларын қабылдады.

Республикалық Олимпиада еліміздің жоғары оқу орындары арасында үлкен қызығушылық тудырды, оған қатысушы қалалар: Алматы, Ақтөбе, Астана, Қарағанды, Қызылорда, Түркістан, Семей географиясы дәлел. Бұл 4 ТДМ мен 17 ТДМ жүзеге асырылуын қамтамасыз етеді. Екінші кезеңге үздік 15 команда қатысты: Абай атындағы Қазақ ұлттық педагогикалық университеті («Inclusive» және  «Defaults»), Алматы Менеджмент университеті («Аналитики»), Нархоз Университеті («Нархоз новаторы» және «Narxoz-Crypto»), Әл-Фараби атындағы Қазақ Ұлттық Университеті («Феникс» және «Innovation»), Л.Б.Гончаров атындағы Қазақ автомобиль-жол институты («Деньги рынка»), Қ.Жұбанов атындағы Ақтөбе өңірлік университеті («Damu»), Л.Н.Гумилев атындағы Еуразия ұлттық университеті  («Freakonomics»), Е.А. Бөкетов атындағы Қарағанды университеті («Экономика»), Қорқыт Ата атындағы Қызылорда университеті («Акулы бизнеса»), Семей қаласының Шәкәрім атындағы университеті («Экономика үздіктері» және «Лидеры ХХⅠ века»), Қожа Ахмет Ясауи атындағы Халықаралық қазақ-түрік университеті («Ясауи»).

РСПО екінші кезеңі негізгі номинациялар бойынша жеңімпаздар мен жүлдегерлерді (I, II, III орын) анықтау үшін командаларды тестілеуден және «6В04103 – Экономика» білім беру бағдарламасының негізгі пәндері бойынша қолданбалы есептерді шешуден тұрды. Орындалған тапсырмалардың ұпайларының қосындысын шығару нәтижесінде жеңімпаздар анықталды. Орындалған тапсырмалардың ұпайларының қосындысын шығару нәтижесінде жеңімпаздар анықталды:

1-орынды әл-Фараби атындағы Қазақ ұлттық университетінің «Феникс» командасы (жетекшілері: Какижанова Толқын Исатаевна, Тураров Даурен Рыскулович) иеленді.

2 орынға ие болған командалар: «Innovation» әл-Фараби атындағы Қазақ ұлттық университеті (жетекшілері: Иляшова Гулия Кенжебековна, Кыстаубаева Алма Казнашовна); «Narxoz-Crypto» Нархоз университеті (жетекшілері: Куатова Дильмина Яхияевна, Жакупова Алма Асильбековна).

3 орынға ие болған командалар: «Лидеры ХХⅠ века» Семей қаласының Шәкәрім атындағы университеті (Абылкасимова Жибек Ануарбековна, Кажиева Жания Хайдаровна, Оразгалиева Арайлым Канатовна); «Аналитики» Алматы Менеджмент университеті (Тайкулакова Гульнара Сериковна); «Freakonomics» Л.Н.Гумилев атындағы Еуразия ұлттық университеті (Егембердиева Сауле Мейрбековна, Молдашов Нуртай Оразалиевич, Ауелбекова Айгуль Курбанбаевна).

РСПО-ның барлық қатысушылары олимпиадаға белсенді қатысқаны үшін сертификаттармен марапатталды. Жүлделі орындарға ие болған студенттер дипломдармен марапатталды. Қатысушы командалардың жетекшілеріне алғыс хаттар табыс етілді.

Олимпиадаға қатысушыларға алғысымызды білдіреміз және жеңімпаздарды шын жүректен құттықтаймыз!