- Басты бет
- Жаңалықтар
- ЕАР Жоғары білім және ғылыми зерттеу министрлігі әл-Фараби атындағы ҚазҰУ оқытушыларын қабылдады
ЕАР Жоғары білім және ғылыми зерттеу министрлігі әл-Фараби атындағы ҚазҰУ оқытушыларын қабылдады
![](/storage/news/27466870196629dc7743e42788905506_03acc161-8a28-447d-a99d-7ad37d0f5877.jpg)
Тұрақты даму мақсаттары аясында үстіміздегі жылдың 15-22 сәуірі аралығында әл-Фараби атындағы ҚазҰУ Шығыстану факультеті мен Философия және саясаттану факультетінің оқытушылары ЕАР Каир қаласындағы Жоғары білім және ғылыми зерттеу министрлігі жанындағы Ғылыми-мәдени ақпарат бөлімінің директоры доктор Абу әл-Футух Сабри Юнустың қабылдауында болды.
Бөлім директоры Әбу әл-Футух Сабри екі ел арасындағы мәдени қарым-қатынастар төңірегінде сөз қозғап, әл-Фараби атындағы ҚазҰУ Шығыстану факультетінде қызмет атқарған жылдары (2015-2020) өзі куәсі болған қазақ мәдениеті мен дәстүрі, діни жоралғылары мен ұлттық ерекшеліктері туралы естеліктерімен бөлісіп, Мысыр ақпарат құралдары, сондай-ақ, Білім министрлігі жанынан шығарылатын мерзімдік журналдарда әр жылдары жариялаған Қазақстан туралы, қазақ елі мен мәдениеті, қазақ қонақжайлығы жайлы жазған ғылыми-танымдық мақалаларымен таныстырды.
Әл-Фараби атындағы ҚазҰУ атынан барып отырған делегация Мысыр Білім министрлігінің тыныс-тіршілігімен танысып, әл-Фараби университеті мен министрлік арасындағы болашақ қарым-қатынастар жайлы талқылады.
Таяу Шығыс және Оңтүстік Азия кафедрасы
Жумадилова А.Е.
Басқа жаңалықтар
![](/storage/news/2801870279669de8679bc1d452628194_4.jpg)
![](/storage/news/3143404026669a457ef1a67363282100_10.jpeg)
![](/storage/news/33871989506699f775bddfe215293067_(3).jpg)