А.Байтұрсынов ескерткішінің аумағын тазарту!

         Еліміздің жастар ресурстық орталықтары мен ұйымдарының бастамасымен «Таза Қазақстан» республикалық экологиялық акциясы басталды. Ауқымды экологиялық науқанның  «Киелі мекен»   апталығы тарихи мәдени ескерткіштердің аумағын абаттандыру жұмыстарына арналады. Осыған орай,   «Құрлық экожүйелерін сақтау» 15- ТДМ  және «Таза Қазақстан» акциясы аясында  әл-Фараби атындағы ҚазҰУ колледжі «Құқықтану» мамандығының  ПК-101, ПК-102 топ білімалушыларымен бірге оқытушылар Г.М.Ақбаева, А.А.Бакирова, А.С. Турегельдиева Байтұрсынов көшесінің бойындағы А.Байтұрсынов ескерткішіне барды. Колледж білімалушылары  бір үйдің баласындай жұмылып белсенділікпен ескерткіштің аумағын тазартып гүл шоқтарын отырғызып, тазалық жұмыстарын қарқынды жүргізді.  Тазарту жұмыстарымен қоса, ескерткішінің айналасына раушан гүл шоқтарын отырғызып,  абаттандыру жұмыстары да жүргізілді.

        «Киелі мекен» А.Байтұрсынов ескерткішінің аумағын  тазарту жұмысының мақсаты -  жасөспірімнің бойына рухани адамгершілік қасиет қалыптастыру, табиғатты, қоршаған ортаны аялай біліге тәрбиелеу, ауызбіршілік пен жауапкершіліктерін арттыруға бағытталды. «Тазалық – табалдырықтан басталады», демекші қоршаған ортаның тазалығына жауапкершілікпен қарау – әрбір азаматтың басты міндеті.