Оқушылармен кәсіптік бағдар беру жұмысы

2024 жылдың 21 мамырында БҰҰ-ның 4-ші Тұрақты даму мақсаты – «Сапалы білім беру» бағдарламасын жүзеге асыру аясында ҚазҰУ-дың кеден, қаржы және экологиялық құқық кафедрасының оқытушылары з.ғ.к. Қ.Қуандықов және PhD докторы Қ.Қожабек Алматы қаласының 79, 24, 134, 13, 139, 153, 5, 186 орта мектептерінде - Кәсіптік бағдар беру жұмыстарын жүргізді. Сапалы және қолжетімді білім беру мемлекеттің маңызды әлеуметтік функцияларының бірі болып табылады. Цифрландыру және ғылыми-техникалық прогрестің нақты жағдайында білім алу өмір бойы қажет. Кәсіптік бағдар берудің мақсаты – мектеп түлектеріне жоғары оқу орнын және мамандық таңдауға көмектесу. Мамандық таңдау – адам өміріндегі ең маңызды кезеңдердің бірі. Мектеп түлектеріне ҚазҰУ заң факультеті туралы ақпарат берілді. Факультет ішіндегі қолжетімді мамандықтар туралы, академиялық ұтқырлық аясында университет есебінен басқа елдерде оқу мүмкіндіктері туралы айтылды. Оқушылардың сұрақтарына жауап берілді.