Жастар – келешек қоғамның тұтқасы

ҚазҰУ-дың физика-техникалық факультетінде мектеп оқушыларына мамандық таңдауда бағыт-бағдар беру ісі өте жақсы жолға қойылған. Өйткені келешек қоғамымыздың басты тұтқасы әрі тұлғасы – бүгінгі мектеп оқушылары.

Сондықтан мектепте бе­рі­летін кәсіби бағдар жұ­мыс­тарының маңызы зор. Кәсіптік бағдар беру де­ге­німіз – педагогтердің, пси­хо­логтердің, дәрігер­лер­дің және басқа да қызмет­кер­лердің қоғамның қажет­ті­лігіне қарай әрбір оқу­шының ынтасы мен бейі­мін ескере отырып, кәсіптік қы­зы­ғуы мен қабілеттілігін қа­лып­тас­тыруға және ма­ман­дық таң­дауға көмек­те­суге мақсатты істелетін жұмыс. Кәсіпке бау­лу – бұл әрбір жеке тұл­ғаның ерек­ше­лігін жеке са­лаларға қа­жетті сұ­ранысы бар маман­дық­тар­ды ескере отырып, жас­тар­ды еркін және өзін­дік ма­­мандық таң­дауға да­йын­­дау­дың ғылыми негіз­дел­ген жүйесі.

Ал білім берудің негізгі мақсаты – білік пен дағды арқылы дербестік, ізденім­паз­дық, өзгермелі жағдайда жасөспірімдерді жан-жақты жеке тұлға ретінде даярлау. Оқушының өзіндік жалпы да­муын, жан-жақты дүние­та­нымын қамтамасыз ету және оны болашақ белгілі бір кәсіпке даярлау. Осы міндет­тер­дің ішінде қоғамдық даму күрделенген сайын ба­ланы жастай алдағы кәсіпке бағ­дарлай әзірлеу ең кө­кей­кесті мәселеге айналып отыр. Қазіргі кезеңде жалпы бі­лімнің міндеті – баланың жалпылама дамуын қам­та­масыз ету ғана емес, ең бас­тысы, оларды жастай өз қабілеті мен қызығуына қа­рай белгілі бір мамандыққа арнайы бағыттай білу. Соған байланысты факультет оқы­тушылары өз қалауымен мек­теп оқушыларымен кез­десулер ұйымдастырып, түрлі олимпиада және Ашық есік күндерін өткізіп оты­ра­ды. Факультетте таяуда өткен кездесулер легі осы­ған дәлел бола алады. Шара барысында оқушыларға мамандықтың қыр-сырын, мамандық таңдауда қате­лес­пеуін, білім беру бағ­дарламалары туралы жан-жақты түсіндірілді. Кездесу соңында оқушыларды кітап­ханаға, мұражайға апарып таныстырдық.

Эльмира ЗҮЛБҰХАРОВА,

Жылуфизикасы және техникалық физика кафедрасының

аға оқытушысы