Әл-Фараби атындағы ҚазҰУ-да Шыңжаң университетінің (ҚХР) білім алушыларына арналған жазғы мектебі басталды

Әл-Фараби атындағы Қазақ ұлттық университетінде Шыңжаң университетінің (ҚХР) білім алушылары үшін география және табиғатты пайдалану факультеті ұйымдастырған «Methods of assessing the anthropogenic impact on the environment: geosystems, society, education, culture and worldview» («Қоршаған ортаға антропогендік әсерді бағалау әдістері: геожүйелер, қоғам, білім, мәдениет және дүниетаным») атты «Қоршаған ортаны қорғау-2024» алғашқы Халықаралық жазғы мектебі басталды.

Жазғы мектептің мақсаты тұрақты даму және экологиялық жауапкершілік мәселелері бойынша пікірлестерді біріктіру арқылы БҰҰ ТДМ-ға қол жеткізу үшін халықаралық жастар платформасын құру болып табылады.

Жазғы мектеп шеңберінде білім алушылар геожүйелерге антропогендік әсер етудің негізгі ұғымдары мен теорияларын зерделейтін болады; геожүйеге антропогендік әсерді бағалаудың қазіргі заманғы әдістері мен құралдары көрсетіледі; антропогендік қызметтің қоғамға әсер ету факторлары талданады және бағалау тетіктерін анықтайды; табиғи апаттардың сын-қатерлерін ескере отырып, білім беру ортасының өзгеру динамикасы; экологиялық мәдениеттің жастардың дүниетанымына әсер ету аспектілері талданады; заманауи ғылыми әдістер мен құралдар негізінде геожүйелерге антропогендік әсерді бағалау жүргізіледі, бұл әлеуметтік жауапкершілік негізінде жастардың экологиялық дүниетанымын тереңдетуге және кеңейтуге мүмкіндік береді; сондай-ақ ТДМ негізінде жас ұрпақтың тұрақты дамуын қолдаудың бірлескен платформасын жандандыруға мүмкіндік береді.

Айта кету керек, 2024 жылы Әл-Фараби атындағы Қазақ ұлттық университеті мен Шыңжаң университеті география және қашықтықтан зондтау саласындағы ынтымақтастық туралы келісімге қол қойды, бұл жоғары оқу орындары арасындағы қарым-қатынасты нығайтудың драйвері болды.