Ғарыштық технологиялар және Жерді қашықтықтан зондтау орталығында студенттер тәжірибеден өтуде. Картография және геоинформатика кафедрасы

Геодезия және картография мамандығының үшінші курс студенттері қазір Ғарыштық технологиялар және Жерді қашықтықтан зондтау орталығында тәжірибеден өтуде. Бұл тәжірибе тек геоақпараттық жүйелер мен картография саласындағы білімін тереңдетуге ғана емес, сонымен қатар тұрақты даму мақсаттарына қол жеткізуге өз үлесін қосуға бірегей мүмкіндік береді.

Ғарыштық технологиялар және Жерді қашықтықтан зондтау орталығында олар түрлі спутниктерден алынған деректерді талдау арқылы жер бетінің жағдайы туралы өзекті ақпарат алады. Бұл деректер табиғи ресурстарды бақылау, климаттың өзгеруін қадағалау және табиғи апаттарды болжау үшін пайдаланылады. Мысалы, орман алқаптарының өзгеруін талдау заңсыз ағаш кесумен күресуге және биологиялық әртүрлілікті сақтауға көмектеседі (ТДМ 15: Құрлық экожүйелерін сақтау). Өндірістік тәжірибе кафедрамыздың аға оқытушысы әрі Ғарыштық технологиялар және Жерді қашықтықтан зондтау орталығының бас маманы Жеңісова Назымның жетекшілігімен өтті.