Әл-Фараби атындағы ҚазҰУ-да Ракуго театрының қойылымы өткізілді

2024 жылдың 23 мамырында әл-Фараби атындағы ҚазҰУ-дың ғылыми кітапханасының №416 конференц-залында Жапонияның Қазақстан Республикасындағы елшілігінің қолдауымен және Жапонияның ҚР-дағы  бұрынғы елшісі Тошио Цунодзакидің қатысуымен, Ракуго театрының қойылымы өткізілді. INPEX NORTH CASPIAN SEA, LTD, Қазақстандағы Жапонияның Сауда палатасы, Medical & Art Lab Omotesando LLC берілген  іс-шараның демеушілері болды.

Ракуго - дәстүрлі жапондық ауызша әңгіме өнері. Ракугода ракуго-ка деп аталатын жалғыз әңгімеші сахнада отырып, күлкілі немесе трагедиялық оқиғаларды айтады. Тек желдеткіш пен кішкентай мата сүлгіні тірек ретінде пайдалана отырып, ракуго-ка дауысты өзгерту, мимика және ым-ишара арқылы әртүрлі кейіпкерлерді өмірге әкеледі. Өткізілген шараның басты мақсаты – Жапония мен Қазақстан арасындағы мәдени алмасуды ілгерілету және ракуго орындаушыларының шетелдік қойылымдарды ұйымдастыру арқылы осы елдердің халықтарымен достықты нығайтуға және жапон мәдениетін тереңірек түсінуге көмектесу болды. 

Іс-шара, Такако Хираоканың балаларға арналған және дәстүрлі жапон әндерін айтуымен басталды, олардың барлығы Ёшико Кадотаның фортепиано аспабындағы сүйемелдеуімен орындалды. Сондай-ақ, Такако Хираока, Абай Құнанбаевтың “Көзімнің қарасы” әнін қазақ және жапон тілдерінде айтып, көрермендерді қуантты. Залда отырған барлығы әнге қосылып, әншімен бірге орындады. Іс-шараның келесі бөлімінде Санъютеи Ракумаро ракугода қолданатын реквизитті таныстырып, “Манджу Ковай” (Қорқынышты Манджу) атты қойылымды қойды. Ракугоны көрсету кезінде, көрермендер әрбір жаңа әзіл мен орындаушының дауысы өзгерген сайын оқиғаға үңіліп, күліп отырды. Қойылым соңында көрермендер Санъюети Ракумароның таланты мен шеберлігіне таңданып, ду қол шапалақпен марапаттады. Кейін, залдағы көрермендер берілген уақытты пайдаланып, әртістерге қызықтырған сұрақтарын қойып, жауаптарын алды. Бұл жерде қойылымды және сұрақтарды аударған синхронды аудармашының керемет жұмысын да айта кету керек. 

Көрермендер қойылымнан кейін естіген оқиғаны талқылап, алған әсерлерімен бөлісіп, ұзақ уақыт кетпеді.  Көптеген адамдар әртістерге жеке алғыстарын білдірді.  Жарқын және есте қаларлық қойылымның арқасында атмосфера позитив пен қуанышқа толы болды.  Кейбір көрермендер бұл ерекше кешті есте қалдыру үшін әртістермен бірге суретке түсті.