Сапалы білім бәсеке қабілеттілігіне кепіл

Еліміздегі сапалы білімнің негізгі аспекті­ле­рінің бірі – білімнің қолжетімділігі. Мемлекеттік қолдау бағдарламалары мен тағайындалған шә­кіртақы ЖОО-да түрлі әлеуметтік-экономикалық топ­тағы жастардың жан-жақты білім алуына мүмкіндік береді.

Бүгінде білім берудің жаңа инновациялық тә­сіл­дерін дамыту арқылы білім саласына ерекше кө­ңіл бөлініп отыр. За­манауи технологияларды, интерактивті әдістерді және цифрлық ресурс­тар­ды пайдалану жастар үшін оқу үдерісін тиімді әрі тартымды ететіні сөз­сіз. Осы тұрғыдан алғанда ҚазҰУ-дың соңғы жыл­дар­дағы ізденісі ерекше. Мәселен, Экономика және бизнес жоғары мек­тебінде болашақ эко­но­мис­терге арналған сту­дент­тердің «ХХІ ғасыр экономисі», «Инно­ва­ция­лық эконо­мика» сияқты Экономика кафедра­сы­ның студенттік ғылыми үйірмелеріне қатысу, сон­дай-ақ жыл сайын өтетін халықаралық Фараби оқу­лары аясында сту­дент­тер мен жас ға­лым­дар­ға арналған «Әл-Фа­ра­би әлемі» ат­ты ха­лық­аралық конфе­рен­ция­ға қатысу мүмкін­дік­тері бар. Жоғары курс студенттері «Мен жастар­ға сенемін!» атты халық­ара­лық форумға қатысып, онда өздерінің иннова­ция­лық жобаларын, стар­тап­тарын ұсынып, өз ой­ларымен бөлісе алады.

Сапалы білімнің ма­ңыз­ды элементі ретінде табысты мансапқа қа­жетті дағдыларды дамыту күн тәртібінде тұр. Бұған тек техникалық және кә­сіби білім ғана емес, сондай-ақ коммуникация, көш­басшылық, анали­ти­калық ойлау және коман­да­лық жұмыс сияқты soft skills дағдылары қажет. Сапалы білім беруде бас­қа да білім беру орын­да­ры, бизнес сектор және үкімет арасында серік­тес­тік орнату да маңызды рөл атқарады. Бұл білім беру бағ­дар­ла­маларын еңбек нары­ғы­ның қажет­ті­лігіне бейім­деуге, жас­тарға кәсіби және жеке өсу мүмкіндігін қамта­ма­сыз етуге көмек береді.

Білім беруді жүйелі да­мыту еліміздің әлемдік аренадағы бәсекеге қа­бі­леттілігін арттырып қана қоймай, кез келген тұлға мен мемлекеттің табысты болашағын құруға лайық белсенді жастар тобын қалып­тастыруға ықпал ете­ді.

Экономика және биз­нес жоғары мектебі Эко­но­мика кафедрасының «Эко­но­мика» ББ бойынша 1-курс білім алушылары осы оқу жылында тұ­рақ­ты даму мақсаттарын жү­зе­ге асыруға қатысты көп­теген шараларға қа­ты­сып, бел­сенділік та­нытты. Со­ның ішінде «Миллио­нер­лер ала­ңы» интел­лек­туал­ды ойынына қатысқан Ә.Діл­дәбек, Б.Сейт­мұрат, Ж.Түй­ме, Ұ.Ға­лымбек I дә­ре­желі диплом иеленді. Мем­лекет басшысы Қа­сым-Жо­март Кемелұлы То­қаев­­тың «Адал адам – адал еңбек – адал та­быс» атты мақаласындағы ұлт­тық құндылықтарды жас­тар арасында кеңінен на­си­хаттау мақсатында өт­­кен республикалық бай­қауға қатысқан Кер­без Тохтарбай «ҚР Жас­тар саясатының үз­дігі» I дәрежелі дипломы, Әсия Ділдәбек «Қазақ­стан­ның үздік студенті» I дәрежелі дипломымен мара­пат­тал­ды. Бұдан өзге сту­дент­теріміз ҚазҰУ-дың 90 жылдығына орай өткен «Фараби әле­мі» халық­ара­лық ғылыми кон­фе­рен­циясына қаты­сып, же­ңімпаз атанды.

Гүлмира АНДАБАЕВА,

э.ғ.к., доцент