Шығыстану факультетінде «Start up» шет тілдерін оқыту сыныбының ашылу салтанаты өтті

28 қазан 2015 ж. Шығыстану факультетінде «Start up» студенттердің инновациялық жобасы аясында онлайн режимде шет тілдерін оқыту сыныбының ашылу салтанаты өтті.

Әл-Фараби атындағы Қазақ Ұлттық Университетінің «Start up» инновациялық жобасының мақсаты студенттердің сабақтан тыс уақытында университеттен алған білімдерін пайдаланып, қаражат таба білу жолдарын қарастырады.

2014-2015 оқу жылында Жапондық компания «REAL - Russiar» және Қиыр Шығыс кафедрасы арасында келісімшарт жасалған болатын. Сол келісімшарт негізінде Қиыр Шығыс кафедрасының жапон бөлімінің студенттері Жапониядағы бизнесмендерге сабақтан бос уақыттарында орыс және қазақ тілдерін онлайн режимде оқытып,оқытқан сабақтарының сағат бойынша төленетін ақыларын алып жүр.

Студенттердің сабақтан бос уақыттарында университет қабырғасында жүріп жұмыс істеулеріне жағдай жасау мақсатында шығыстану факультеті 534-аудиторияны арнайы онлайн жүйесінде сабақ өту үшін белгілеп, Жапония компаниясы «REAL - Russiar» келісімшарт бойынша жұмыс істейтін студенттерді қажетті жабдықтармен қамтамасыз ету үшін арнайы жабдықтарын алып келіп, аудиторияға орнатты.

Аталған жоба жапон бөлімінің студенттеріне практикалық жапон тілін терең меңеруге көмектесіп қана қоймай, сонымен қатар кәсіпкерлік әліпбиін меңгеруге де ықпал етеді.