ҚазҰУ студенті «X Waters Kazakhstan-2024» жеңімпазы

Әл-Фараби атындағы Қазақ ұлттық университеті Заң факультетінің студенті Елдар Шекербек Бурабайда өткен «X Waters Kazakhstan-2024» жарысының жеңімпазы атанды.

Қазақстанда тұңғыш рет ашық суда марафондық жүзуден ұйымдастырылған халықаралық жарысқа қатысушылар 4 және 8 шақырым қашықтықта сынға түсті.

Жас спортшы Елдар Шекербек 20-29 жас аралығындағы шеберлік тобында 4 шақырымды өзгелерден бұрын жүзіп өтіп,1-орынға ие болды.

Осының алдында, 27-28 шілде аралығында Қонаев қаласында өткен «Oceanman Kazakhstan-2024» жарысында Елдар Шекербек  алтын және қола медальмен марапатталған.

Спортшымызды кезекті жеңісімен құттықтаймыз!

Әл-Фараби атындағы ҚазҰУ-дың Баспасөз қызметі