1-курс студенттерінің факультеттің атақты түлегімен кездесуі

    Тамыз айының 28-сі күні, картография және геоинформатика кафедрасының 1-курс студенттері ALIDADA компаниясының өндірістік директоры – Рахымбай Забира Сапарқызымен кездесуі өтті. Кездесу барысында Забира Сапарқызы студенттермен мотивациялық қолдау және алғашқы қадамдардың маңызыдылығын айта кетті. Сонымен қатар, өндіріс және ғылымның тоғысу тұстары мен болашақ түлектердің «hard skil» және «soft skil» дамытудың маңыздылығы жайында сөз қозғалды. Оқу үрдісі кезеңінде білім алу процесін негіз ретінде алып, университеттің өмірінде қосалқы белсенділік, атап айтқанда өнер, сурет және спорт үйірмелеріне қатысудың маңыздылығы атап айтылды. Алға қойған мақсатқа жету күнделікті, әрі тәртіптілікті қажет ететін өзін-өзі шыңдау мен дұрыс уақытты пайдаланудан тұратындығы мәлімделді.

    Оқу үдерісі жайында айтылған маңызды ақпаратқа ағылшын тілінің көмегімен жол ашылатын академиялық ұтқырлық жатады. Әлемнің таңдамалы жоғарғы оқу орындарында 1 немесе 2 семестр мерзімінде оқу студенттің дүние танымын дұрыс бағытқа өзгертетін өз-өзіне қосатын үлесі.

     Забира Сапарқызымен өткен кездесуде студенттер көптеген сұрақтарына жауап алып, маңызды мәселелерді қызу талқылауға салды.