Ахмет Байтұрсынұлының мұражайына саяхат

Әл-Фараби атындағы Қазақ ұлттық университетінің, Тұрақты даму бойынша ЮНЕСКО кафедрасының 1 курс студенттері эдвайзер-жетекшілерімен бірге, Қазақстан халықтарының тілдері күні мерекесіне орай қазақтың ақыны, қазақ тіл білімі мен әдебиеттану ғылымдарының негізін салушы ғалым – Ахмет Байтұрсынұлының мұражайына саяхат жасады. Саяхат барысында ұлы тұлғаның өмірбаянымен, жүріп өткен жолымен, әдеби еңбектерімен жақын танысып ерекше әсер алды.  

Ұлт маңдайына біткен тұлғаның туған тіліне деген құрметі жоғары еді. Оны бәрінен биік қойды. Егер де біз қазақ деген ұлт болып тұруды тілесек, қарнымыз ашпас қамын ойлағандай тіліміздің де сақталу қамын қатар ойлау керек:

Сәлем саған, жас буын жалғастарым,
Болашақта сендермен жалғасамын.
Тек жалғасам қазақтың тілі арқылы,
Ана тілін ауадай ардақтағын!