Сіздің болашақ мамандығыңызға қысқаша экскурсия

09.09.2024 жылы Әл-Фараби атандағы Қазақ Ұлттық университеті, филология факультеті, түркітану және тіл теориясы кафедрасының меңгерушісі Авакова Раушангул Амирдинқызы 2024 жылы оқуға қабылданған «түркітану» мамандығының 1-курс студенттерімен кездесу ұйымдастырды. Кездесуге кафедра меңгерушісі Авакова Раушангул Амирдинқызы, бөлім меңгерушісінің орынбасары Кудярова Шолпан Таубаевна және топ эдвайзері Аширкулов Канат Бахтиярулы қатысты. Бөлім меңгерушісі жаңадан келген тәлімгерлерге мамандық туралы жан-жақты ақпараттар берді. Қызықты деректер келтіріп, түркология тарихы туралы, оның өзектілігі мен жетістіктері, зерттеуді қажет ететін тұстар, түркологияның болашағы, филология ғылымындағы орны туралы мағлұматтар берді. Кездесу барысында түркітану мамандығының 1-курс студенттері өздерінің өнерлерін ортаға салды. Бөлім меңгерушісіне арнау ретінде күй шертіп, әр тілде (қытай, жапон, орыс, қазақ, ағылшын) өлең жолдарын оқыды.