2024 жылдың 11 қыркүйегінде «ҚазҰУ Green Campus» жобасы аясында философия және саясаттану факультеті тазалық аптасы акциясына қатысты. Осыған орай, факультет деканы Б.Б.Мейрбаев, философия кафедрасының оқытушылары мен кураторы, 2 курс студенттері іс-шараға белсене атсалысты. «ҚазҰУ Green Campus» бағдарламасы университет қызметкерлері мен студенттері арасында экологиялық таза кампус құруға бағытталған маңызды іс-шара болып табылады. Тазалық апталығының мақсаты – қатысушыларды кампуста тазалық пен тәртіпті сақтауға белсенді қатысуға, сондай-ақ қоршаған ортаға құрметпен қарау әдеттерін қалыптастыруға ынталандыру. Кампустың әртүрлі бөліктерінде жұмыс істеу үшін арнайы топтар құрылды. Жаппай сенбілік шаралары өтіп, қатысушылар қоқыстарды жинап, жасыл аумақтарды тазартып, қоғамдық орындарды ретке келтірді.
Басқа жаңалықтар
