Қытайтану кафедрасының магистранты “Shanghe Youth Advanced Trainee Program” бағдарламасы бойынша тағлымдамадан өтіп келді

Қытайтану кафедрасының 2 курс магистранты Оразбаев Сұлтан 2024 жылдың 23 ақпаны мен  21 маусым аралығында “Shanghe Youth Advanced Trainee Program” бағдарламасы бойынша ҚХР-дың Шаңхай қаласындағы Шаңхай саяси ғылымдар мен құқық университетінде 5 айлық  тағлымдамадан өтіп келді.

Сұлтанның айтуынша, бұл жолы  бағдарлама бойынша ШЫҰ мүше елдерден 24 адам қатысқан. Бағдарлама ағылшын және орыс тілдерінде жүргізілді. Бағдарламаның негізгі мақсаты -   әлемдегі талантты жастарды саяси-құқықтық жағынан мамандандыру және тағылым беру.   Бағдарлама барысында  Қытай мәдениетіне, әлемдік саясат, қытай тілі және ШЫҰ мүше елдер арасындағы түрлі бағыттағы ынтымақтастыққа қатысты пәндер оқытылды.

Тағылымдама барысында Сұлтан Оразбаев бағдарламаға басқа да қатысушылармен бірге   Шанхай Халық Жиналысы ғимаратына, Сунцзян ауданы Сот ғимаратына, сондай-ақ басқа да мемлекеттік мекемелер ғимараттарына барып, олардың жұмысымен танысты.   «Шанхай саяси ғылымдар және құқық университеті ұйымдастырған "Shanghe Youth Advanced Trainee Program" бағдарламасы аясында өткен тағылымдамадан мен  ұмытылмас әсер алып, үлкен тәжірибе жинадым.  Болашақта бұл білім мен тәжірибе менің тұлға ретінде өсуіме, сондай-ақ, Қазақстан мен Қытай арасындағы түрлі саладағы байланыстардың дамуына ықпал ететініне кәміл сенімдімін", - дейді  магистрант.

 Дәулет Ф.Н., Керимбаев Е.А.