Шығыстану факультетінің деканы жұмыс берушілермен түлектерді жұмысқа орналастыру мәселелерін талқылады

2024 жылдың 13 қыркүйек күні шыңыстану факультетінің деканы «Шығыс әдебиеті» баспа компаниясының бас директорының орынбасары Ж.Ж. Омаров  және осы баспахананың қоғамдық ақпарат бөлімінің директоры Ж.А. Берістеммен кездесті. Аталмыш кездесуде тараптар факультет студенттерінің өндірістік практикадан өту және түлектерін жұмысқа орналастыру мәселелерін талқылады. Шығыстану факультеті және "Шығыс әдебиеті" баспасы арасында өзара тиімді ынтымақтастық орнағанына 3 жылдан асты. Мәселен, аталмыш баспада факультет студенттері жыл сайынғы өндірістік тәжірибеден өтеді.   Мамандарды даярлау процесіне жұмыс берушіні тарту уақыт талабы болып табылады.  Бұл маңызды іске біздің университеттің Даму стратегиясына ерекше назар аударылған. Осы кездесуде факультет деканы мен жұмыс беруші компанияның басшылығы жаңа оқу жылында іске асырылатын бірлескен іс-шараларды талқылады. Кездесуде болашақта бірлескен жобаларды іске асыру мәселелері де талқылынды.

Дәулет Ф.Н., Керімбаев Е.Ә.