Қытайтану кафедрасының оқытушылары "Almaty Garden Show 2024" халықаралық көрмесіне қатысты

2024 жылғы 13 қыркүйекте Әл-Фараби атындағы ҚазҰУ шығыстану факультетінің оқытушылары "Almaty Garden Show 2024"халықаралық көрмесіне қатысты.   "Almaty Garden Show 2024" -Қазақстандағы ең ірі халықаралық экологиялық, бақ-саябақ өнері және ландшафты дизайн фестивалі болып табылады. Экологиялық тұрақтылық-ҚазҰУ ТДМ-ны байланыстыратын негізгі тақырыптардың бірі.  Мәселен, экология мәселелері және климаттың өзгеруі біздің университеттің ТДМ-нің 13-бөлімінде көрсетіліп қана қоймай, сонымен қатар, университеттің өзге де ТДМ-ге енгізілген. Демек,   аталмыш  іс-шараларға қатысу төл университетіміздің тұрақты даму мақсаттарын іске асыру барысындағы маңызды мәселе екені сөзсіз. Шығыстану факультетінің атынан  аталмыш көрмеде қытайтану кафедрасының басшылығы мен оқытушылары Е. Ә. Керімбаев, Ф. Н. Дәулет, Н. Б. Сапарбаева және 1 және 2 курс студенттері мен магистранттары қатысты.  Көрмеге ҚХР-дың бірқатар экологияны қорғау ұйымдары мен ландшафт дизайнерлері қатысқан болатын. Қытай елі өкілдерімен  қытайша сөйлесіп, олармен экологияға байланысты мәселелерді талқылау факультет студенттеріне өте маңызды  тілдік тәжірибе болды.

Дәулет Ф.Н.