Құрметті университетіміздің оқытушы-ғалымдары,
қызметкерлері мен білім алушы жастары!
Сіздерді Алматы қаласы күнімен шын жүректен құттықтаймын!
Мемлекет басшысы Қасым-Жомарт Тоқаев Алматы қаласының тұрақты дамуына айрықша мән беріп келеді.
Мыңжылдық тарихы бар алып шаһар – тәуелсіздігіміздің алтын бесігі, білімге ұмтылған жастардың арман қаласы, армандар орындалатын мүмкіндіктер мекені.
Алматы QS Best Student Cities әлемдегі ең үздік студенттерге жайлы қалалардың жыл сайынғы рейтингінде көшбасшылар қатарында келеді.
Бүгінде Қазақстанда 112 жоғары оқу орны бар. Оның 38-і Алматы қаласында орналасқан.
Биыл құрылғанына 90 жыл толып отырған Әл-Фараби атындағы Қазақ ұлттық университеті Алматының ең көрікті жерінде тұр.
Аумағы кең ҚазҰУ қалашығы – университеттік ғылымды дамытуға негізделген «қала ішіндегі қала».
Бүгінде университетте 27 мың студент білім алуда.
Оның 4000-ға жуығы әлемнің 54 елінен келген жастар.
Әсем табиғатымен, көрікті зәулім ғимараттарымен көз тартатын гүл Алматының абыройы асқақтап, мәртебесі биіктей берсін.
Отбасыларыңызға құт-береке, еңбектеріңізге табыс тілеймін!
Құрметпен,
Әл-Фараби атындағы Қазақ ұлттық университетінің
Басқарма Төрағасы – Ректор Жансейіт ТҮЙМЕБАЕВ
Басқа жаңалықтар
