Халықаралық қатынастар факультетіндегі бағдар беру апталығы

26 тамыз күні сағат 11.00 халықаралық қатынастар факультетінде бағдар беру апталығының ресми ашылуы өтті.
Бұл күні келесі іс-шаралар орындалды:
деканмен кездесу өтті;
кафедра меңгерушілерімен кездесу;
факультет туралы қысқаша бейнефильм көрсетілді;
деканның ғылыми-инновациялық қызмет және халықаралық ынтымақтастық жөніндегі орынбасарының академиялық ұтқырлық пен студенттердің ғылыми жұмыстары туралы қысқаша дәрісі;
«QRA» youtube арнасы продюсерінің факультеттің медиа жобаларымен таныстыруы;
факультет ғимараты, ғылыми орталықтар және атаулы аудиториялармен танысу өтті.

27 тамыз күні сағат 11.00 1 курс студенттерін білім алу мен студенттік өмірмен жақынырақ таныстыру бойынша кездесу болды.
Бұл күні келесі іс-шаралар орындалды:
 студенттік деканның оқу үдерісімен қысқаша таныстыруы;
 студенттік ұйымдар мен бірлестіктердің басшыларымен танысу;
 1-ші курс студенттерін оқу үдерісі мен академиялық саясатпен таныстыру.

27 тамыз күні сағат 14.00-16.00  аралығында 1 курс студенттеріне арнап кампус тур өткізілді.
Кампус-тур кезінде көрсетілді:
 ҚазҰУ тарихы мұражайы;
 әл-Фараби кітапханасы;
 Спорт кешені.

28 тамыз күні сағат 11.00 халықаралық қатынастар факультетінде бағдар беру апталығы аясында факультет түлегі Брасилова Ақжүністің көшбасшылық дәрісі өтті.
Дәріс тақырыбы: «Жолдың басы: студенттік жылдар қалай болашақ өмірдің іргесін қалайды»
Брасилова Ақжүніс өзінің студенттік жылдарда алған білімінің оның болашақ еңбек жолына қалай әсер еткендігі туралы пікірімен бөлісіп, өзінің қазіргі қызметі мен қаржылық сауаттылық негіздерімен таныстырып өтті.

Бағдар беру апталығының үшінші күні түстен кейін дипломатиялық аударма кафедрасы 1-ші студенттерінің шет тілін меңгеру деңгейін анықтау мақсатында тестілер мен сұхбаттасулар өткізген болатын. 
Тест пен сұхбаттасу нәтижесінде кафедра оқытушылары студенттерді тілдік топтарға бөліп, студенттердің қай шет тілін таңдағаны дұрыс болатындығы туралы жеке кеңес берген болатын.

29 тамыз  күні 1-ші курс студенттері университетте жыл сайын өтетін Ядролық сынақтарға қарсы әрекеттердің халықаралық күніне арналған халықаралық дөңгелек үстелге қатысты.
Дөңгелек үстел отырысына БҰҰ Жаһандық коммуникациялар департаментінің Алматыдағы өкілі Властимил Самек, Қазақстан Республикасы Сыртқы істер министрлігі Алматы қаласындағы өкілдігінің саяси ынтымақтастық басқармасының басшысы Алмаша Аренова, Иран Ислам Республикасының Бас консулы Мохсен Фагани, дипломатиялық корпус, ғылыми және академиялық қоғамдастық, халықаралық ұйымдардың өкілдері, жас ғалымдар, оқытушы-профессорлар құрамы мен білім алушы жастары қатысты.

Сағат 14.00 бен 16.00 аралығында 1-ші курс студенттері "Керемет" СҚО басшысы Баяндинова Сайран Мұхтарқанқызымен кездесті.

Сайран Мұхтарқанқызы "Керемет" СҚО туралы жан-жақты ақпарат беріп, оның бөлімшелері: тіркеуші-кеңсесі, студент кеңсесі, бухгалтерия, әскери-жұмылдыру бөлімі, стипендиялық карточкаларды ашу туралы мәліметтермен бөлісті.

Бағдар беру апталығының соңғы күні топтық консультация мен сұрақ-жауап сессиясына арналды.
Топтық консультация барысында факультеттің оқытушылары мен студенттік деканат басшылығы 1-ші курс студенттерінің түрлі сұрақтарына жауап беріп, факультеттегі өмір бойынша пайдалы ақпаратпен бөлісті.