1 курс студенттеріне жатақханада тұру ережелері мен Студенттік Ар-намыс кодексі түсіндірілді

Бүгін, 25.09.2024, биология және биотехнология факультетінің деканы б.ғ.д., профессор М.С. Құрманбаева, деканның оқу-әдістемелік жұмыс жөніндегі орынбасары Ә.Б. Құсманғазинов және аға кураторы А. Зорбекова университеттің Жағдаяттық басқару орталығының мамандарының қатысуымен №7 Студенттер үйінде ақпараттық-танымдық жиналыс өткізіп, 1 курс студенттеріне Жатақханада тұрудың тәртіп ережелерін, Студент туралы ережені және Студенттің ар-намыс кодексін түсіндіріп, оларды қатаң орындау қажеттігін міндеттеді. Жатын бөлмелерді таза ұстап, кешкісін Студенттер үйіне белгіленген уақытта оралу керек екенін, жатын ақысын уақытында төлеп отыру қажеттігін ескертті. Сонымен қатар, студенттердің өздері ұсынған ережелерге сәйкес, студенттік қалашықта темекі тартуға, қатты шу көтеруге, белгіленбеген жерлерге қоқыс тастауға болмайтынын түсіндірді.   

Студенттер өздеріне қажет тұрмыстық, оқу үдерісіне қатысты сұрақтарға жауап алды.