Алматы ақшамы

500 ОРЫНДЫ ДИАГНОСТИКАЛЫҚ ОРТАЛЫҚ

Тау етегіндегі ҚазҰУ қалашығы тағы бір айшықты ғимаратпен толық­қалы отыр. Осы қалашықтағы «Керемет» деп аталатын кампус аумағында 500 орынды диагностикалық орталық ашы­латын болды. Бұл жөніндегі мемо­рандум­ға Қаз ҰУ ректоры Ғалым Мұта­нов пен Пунданг госпиталінің президенті Ли Чоль Хи қол қойды.

Оңтүстік Корея бүгінде ІТ тех­нологиялар бойынша көшбасшы ғана емес, медициналық туризм саласы бойынша да алдыңғы қатарда. Жақында ғана Оңтүстік Корея мамандары Сеул Ұлттық университетінің қатысуымен Дубайда заманауи медицинаның соңғы талаптарына сай келетін медициналық клиника салып бітірді.