ҚЫТАЙТАНУ КАФЕДРАСЫНЫҢ ОҚЫТУШЫЛАРЫ МЕН СТУДЕНТТЕРІ ӘН БАЙҚАУЫНЫҢ БАС ЖҮЛДЕСІН ЖЕҢІП АЛДЫ

2024 жылғы 28 қыркүйекте ҚХР-дың Алматы қаласындағы Консулдығы және Әл-Фараби атындағы ҚазҰУ жанындағы Конфуций Институты қалалық қытай тіліндегі ән байқауын ұйымдастырды. Аталмыш байқауда шығыстану факультетінің атынан қытайтану кафедрасының қауымдастырылған профессоры Дәулет Фатимабибі Ноғайқызы және 1 курс студенттері Сая Болатбек пен Алина Қажыбекова қатысып, байқаудың бас жүлделерін жеңіп алды. Профессор мен студенттер ҚХР-дың Алматы қаласындағы консулдығының грамоталарымен және бағалы сыйлықтармен марапатталды. Сондай-ақ, ҚХР консулдығы Фатимабибі Ноғайқызын студенттерді осы байқауға дайындаған көрнекті оқытушы ретінде құрмет грамотасымен марапаттады. Фатима апай мұғалім тек білім беретін адам ғана емес, сонымен бірге оқушының өз күшіне деген сенімін нығайтуға көмектесетін, оның қабілеттерін дамытатын және   дарынын ашатын тәрбиеші болуын ерекше атап көрсетті. Профессордың айтуынша,   бұл ән байқауы әр студент үшін өзін жақсы жағынан көрсетуге, әр түрлі университеттерден келген оқытушылар мен оқушыларға өз дарынын паш етуге   мүмкіндік беретін маңызды мәдени іс-шара екендігін атап көрсетті.