ХАЛЫҚАРАЛЫҚ ҚАРТТАР КҮНІ ҚҰТТЫ БОЛСЫН!

Құрметті университетіміздің ардагерлері,

аға буын оқытушы-ғалымдары!

Сіздерді 1 қазан – Халықаралық қарттар күнімен шын жүректен құттықтаймын!

Халқымыз қашанда үлкенге құрмет көрсетіп, қариясын қадыр тұтқан.

90 жылдық тарихы бар университетіміздің дамуына біздің ардагер оқытушы-ғалымдарымыздың қосқан үлесі зор.

Түркі әлемінің ұлы ойшылы Әлішер Науаидің

«Халықтан қайырымдылықты,

Қариядан пайымдылықты үйрен» – деген нақылы, бүгінгі жастардың ұстанымына айналуы тиіс.

Үлкен мектеп қалыптастырған аға буын өкілдері бүгінде мол тәжірибелерін жастарға үйретіп келеді.

Университетіміздің барлық бастамаларына ҚазҰУ-дың Ақсақалдар кеңесі  үлкен қолдау білдіріп отырады.

Әйгілі ағартушы-ғалым Жан-Жак Руссо 

«Жастық шақ-даналықты меңгеруге арналған уақыт,

Қарттық – оны қолдануға арналған уақыт» – деп пайымдаған.

Қазыналы қарттарымыз ұрпақ сабақтастығын өрбітіп, білім ордасындағы академиялық дәстүрлерді сақтап, ізбасар шәкірттеріне үлгі болуда.

Университет – еңбектеріңізді жоғары бағалап, сіздерді ерекше мақтан тұтады.

Жаңа, әділетті Қазақстанды құру жолында көш бастап, береке-бірлігіміздің ұйытқысы болып, аман жүріңіздер.

Сіздерге мықты денсаулық, сарқылмас қайрат,  шаңырақтарыңызға қуаныш-бақыт тілеймін!

Құрметпен,

Әл-Фараби атындағы Қазақ ұлттық университетінің

Басқарма Төрағасы – Ректоры Жансейіт ТҮЙМЕБАЕВ