“Гендерлік теңдік және қазақ менталитеті” тақырыбында ашық куратор сағаты

Гендерлік теңдікті қамтамасыз ету және құқықтарды кеңейту шаралары аясында 2024 жылдың 9 қазанында Әл-Фараби атындағы ҚазҰУ, филология факультеті, А.Байтұрсынұлы атындағы қазақ тіл білімі кафедрасында “Гендерлік теңдік және қазақ менталитеті” тақырыбында ашық куратор сағаты өтті. Іс-шараның негізгі идеясы - аудиторияда гендерлік теңдіктің экономикалық, саяси, әлеуметтік маңызын талқылау, дүние жүзі елдері мен қазақ халқының танымындағы гендерлік теңдік жайында пікірталас тудыру, гендерлік теңдікті қазақи менталитет , ұлттық құндылықтар тұрғысынан саралау.

Іс-шараны ұйымдастырушылар: Әл-Фараби атындағы ҚазҰУ-дың филология факультеті, А.Байтұрсынұлы атындағы қазақ тіл білімі кафедрасының ф.ғ.к. Алимтаева Л.Т. және “Қазақ филологиясы” мамандығының 2-курс магистранттары.