Ілияс Есенберлиннің “Көшпенділер” кітабына арналған кеш

2015 жылдың 29 қазанында әл-Фараби атындағы Қазақ Ұлттық Университетінің Халықаралық қатынастар факультетінде халықаралық құқық мамандығының 2 курс студенттерінің ұйымдастыруымен «100 кітап» бағдарламасының аясында Ілияс Есенберлиннің “Көшпенділер” кітабына арналған кеш өтті.

Іс-шара студенттерді кітап оқуға ынталандыру, қазақ тарихының әртүрлі кезеңдерін суреттейтін Ілияс Есенберлиннің атақты шығармасын дәріптеу мақсатында ұйымдастырылған еді.

Кеш барысында қазақтың адуынды қаламгері Ілияс Есенберлиннің өмірі, қызметі және өзін бүкіл қазақ жеріне танытқан шығармалары туралы сөз қозғалып, бейнеролик көрсетілді. “Көшпенділер” трилогиясы қазақ әдебиетінің алтын қорына еніп қана қоймай, қазақ кинематографиясында ерекше орын алған “Көшпенділер” фильміне де арқау болғаны белгілі. Студенттер аталған фильм туралы да ақпарат ала отырып, эпопея үзіндісінің сахналанған қойылымын тамашалады.

Барлық студенттер кешке белсенді қатысып, іс-шара қонақтардың көңілінен шықты.

Ұйымдастырушылар: з.ғ.к. Жайлау Жанат, а.о Нысанбекова Л.Б, PhD докторы Алтаева К.Ж.